الاثنين، 7 يناير 2013

جواب بالسحاب فى السما مكتوب

جواب بالسحاب فى السما مكتوب
نزل المطر خلا الكلام بيدوب
نزل المطر يكتب على جبينى
والى انكتب مفهوش فى يوم مهروب
بمشى فى شوارع برد وامشى فى شوارع خوف
بيموت بها الورد وبينعدم الشوف
واعشق اميره من بحر للعشاق
ام الدفيره نظرتها للمشتاق
تشفى جراحه كلها ؟نظرتها كالترياق
كلماتها بالعربى الفصيح
قالت سلاما يا جريح
قالت كلاما ليس كلام
رسمت بعينياها ضريح
دفنتنى جوه عنيها حى
غطتنى بالرمش الى زى
زى طيف الليل وزى
زى بدر تمام وضى
قلت اتكلم معاها
وارسم الضحكه فى شفاها
واترسم عالرمل ميت
علمت فيا خطاها
تنزل الامطار تغطى جتتى وتبقى العلامه
اصل كعب عنيها علم جوه قلبى بابتسامه
لما بحر العشق يضحك تبتسم كل الصبايا
تبتسم بسمتها تخلق جوه منى اجمل حكايه
تبتسم بسمه تنور لى طريق من غير نهايه
نمشى فيه*ونرسم الاحلام عليه*ونكتبوا فيه البدايه كلمات ماجد النصيرى

ليست هناك تعليقات:

إرسال تعليق