خدمة “يا ارض اتهدى ما عليكى قدى” عملتها لجوزى ويالهوى ع اللى عمل معايا جوزى دايما يعمل فى مقالب وانا مش عارفة اخد حقى ابدا منه وكل مقلب انقح من اللى قبله فكرت وفكرت وقولت لازم اردهاله كان لسه شاحن موبايله بــ 25 جنيه فاستغليت الفرصه واخدت موبايله وغيرت اسمى باسم الشركه ((( اتصالات ))) واخدت موبايلى وبعتله رساله بتقول (( لقد تم خصم 25 جنيه قيمة اشتراكك فى خدمة “يا ارض اتهدى ما عليكى قدى”))) هو قرا الرساله من هنا واتنطتت من هنا وقعد يقول ايه خدمة “يا ارض اتهدى ما عليكى قدى” دى وفضل يهرى وينكت فى نفسه واتصل بخدمة العملاء وقالهم ايه هى خدمة “يا ارض اتهدى ما عليكى قدى” دى البنت اللى فى اللى فى خدمة العملاء ردت عليه وفكرته بيعاكس وقفلت فى وشه السكة وانا كل ده فطسانه من الضحك عليه ومش قادره اوصفلكم منظره هههههههههههههههههه بس كشفنى ازاى؟؟ قولتيلى ازاى نزل الشارع يجيب عشا فاتصلت بيه ع موبايله وظهر له اسم الشركه ولقى صوتى انا وعرف ساعتها انه مقلب قالى بقى بتعملى فيه انا مقلب ماشى هاردهولك وردهولى وياريته ماردهولى تانى يوم المقلب بتاعه كنا قاعدين وفجاءه قالى انا نازل اشترى حاجات قولتله ماشى انا دخلت المطبخ وهو نزل ندهت عليه قبل مايقفل الباب بس ماسمعنيش المهم بصيت عليه لقيت المفتاح مش موجود والشوز بتاعه وقولت خلاص نزل ورحت قعدت قدام التلفزيون ونور الشقه كله مطفى مفيش غير لمبه سهارى ونور التلفزيون بس وانا قاعده لوحدى لقيت حاجه سودا بتجرى نحيت رجلى فضلت اصوت صويت عالى وببص نحيت الباب لقيت حد بيطلع مره واحده والنور مطفى والصويت بتاعى زاد اتاريه هو مانزلش وكان مستخبى ورا سور الارج ملحوظه الحاجه السودا دى كانت بتنجنايه كبيرة وانا فضلت اعيط وهو مات على نفسه من الضحك قالى عشان تعرفى تعملى فيه مقلب تانى ومن ساعتها حرمت اخضه

خدمة “يا ارض اتهدى ما عليكى قدى” عملتها لجوزى ويالهوى ع اللى عمل معايا

 

جوزى دايما يعمل فى مقالب وانا مش عارفة اخد حقى

ابدا منه وكل مقلب انقح من اللى قبله فكرت وفكرت

وقولت لازم اردهاله كان لسه شاحن موبايله بــ 25 جنيه

فاستغليت الفرصه واخدت موبايله وغيرت اسمى باسم

الشركه ((( اتصالات )))

واخدت موبايلى وبعتله رساله بتقول (( لقد تم خصم 25

جنيه قيمة اشتراكك فى خدمة “يا ارض اتهدى ما عليكى قدى”)))

هو قرا الرساله من هنا واتنطتت من هنا وقعد

يقول ايه خدمة “يا ارض اتهدى ما عليكى قدى” دى

وفضل يهرى وينكت فى نفسه

واتصل بخدمة العملاء وقالهم ايه هى خدمة

“يا ارض اتهدى ما عليكى قدى” دى

البنت اللى فى اللى فى خدمة العملاء

ردت عليه وفكرته بيعاكس وقفلت فى وشه السكة

وانا كل ده فطسانه من الضحك عليه ومش قادره

اوصفلكم منظره هههههههههههههههههه

بس كشفنى ازاى؟؟ قولتيلى ازاى

نزل الشارع يجيب عشا فاتصلت بيه ع موبايله وظهر له

اسم الشركه ولقى صوتى انا وعرف ساعتها انه مقلب

قالى بقى بتعملى فيه انا مقلب ماشى هاردهولك

وردهولى وياريته ماردهولى

تانى يوم المقلب بتاعه كنا قاعدين وفجاءه قالى انا نازل

اشترى حاجات

قولتله ماشى انا دخلت المطبخ وهو نزل ندهت عليه قبل

مايقفل الباب بس ماسمعنيش

المهم بصيت عليه لقيت المفتاح مش موجود

والشوز بتاعه وقولت خلاص نزل

ورحت قعدت قدام التلفزيون ونور الشقه كله مطفى

مفيش غير لمبه سهارى ونور التلفزيون بس

وانا قاعده لوحدى لقيت حاجه سودا بتجرى نحيت رجلى

فضلت اصوت صويت عالى

وببص نحيت الباب لقيت حد بيطلع مره واحده والنور

مطفى والصويت بتاعى زاد

اتاريه هو مانزلش وكان مستخبى ورا سور الارج

ملحوظه الحاجه السودا دى كانت بتنجنايه كبيرة وانا

فضلت اعيط وهو مات على نفسه من الضحك

قالى عشان تعرفى تعملى فيه مقلب تانى ومن ساعتها

حرمت اخضه