الجمعة، 4 يناير 2013

البنات فى بلادى

البنات فى بلادى عيب ..
عيب تشاور
عيب تحاور
عيب تحب
و عيب تثور
البنات فى بلادى تقدر تبقى جنّة
تبقى نور
البنات فى بلادى تهتف
بس من جوّه الشاشات
البنات فى بلادى مادة
للحكاوى فى الحارات
البنات فى بلادى جدعة
و تلاقيها بـ 1000 راجل
البنات فى بلادى حاسّة
فى كل لحظة بـ اللى حاصل
أيوا محبوسة بـ أوامر
بس حرّة فى المشاعِر
البنات فى بلادى تحلم
بس تحلم من بعيد
أيوا مش كل البنات
بس دا الحال مِن سُكات ..
جوّه فى بلاد الصعيد
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)