الفاصوليا البيضاء على الطريقة التركية

ممكن تزيّني الطبق بالبقدونس الأخضر

الفاصوليا البيضاء من الحاجات المفيدة جدا، والنهارده هنقدّمها لكم بطريقة جديدة مع إضافات مختلفة علشان تقدّميها لعيلتك بطعم شهي وقيمة غذائية عالية..

الفاصوليا البيضاء على الطريقة التركية
المقادير:
½ كيلو فاصوليا بيضاء
4 بيضة مسلوقة مقطّعة أرباع
¼ كيلو طماطم مقطّعة مكعبات
¼ كوب زيتون أسود مقطّع شرائح
ثمرة بصل صغيرة مقطّعة شرائح
2 ملعقة كبيرة زيت زيتون
عصير ليمونة

الطريقة:
1- اغسلي الفاصوليا كويس، واسلقيها وبعد كده صفّيها من المية بتاعتها، وحطّيها في طبق غويط.

2- ضيفي عليها مكعبات البيض والطماطم وشرائح البصل والزيتون الأسود، وفي الآخر ضيفي زيت الزيتون وعصير الليمون، وقدّميها لعيلتك على الفطار أو كطبق جانبي.. وبالهنا والشفا.