البهلوان

بهلوان ومستخبى وراء المساحيق
ماحد كشف ولا عرف وجهه بحق وحقيق
دة وجة حالم
ودة وجة عالم
ودة وجة رقيق
بس الغرابة أنة أصبح مصدق نفسة
انة ملك ومش ناقص غير عرشة
مسكين بيقوم وبينام وهو مش نفسة
وفى يوم ....
سكتت الناس ومحدش سقف له
والنور أنطفئ واصبح لوحده
ألتفت الجميع حوالين مدرب اسود شجاع
والبهلوان بعد يومين جاع
بكى ونزلت دموعه شعاع
مسحت المساحيق اللى من زمان
حرقته الدموع
لكن رجعتة انسان
وأهو من يومها رجع له احساس الأمان
ورفض يرجع تانى بهلوان .....